Thursday, April 17, 2008














Xxxxi!

Tmurx...
ibqa hawn hdejja,
skiet kiesah
riha pura ta' arja
nadifa li int biss
iggib mieghek!

Strieh ftit iehor.
Imtedd hdejja,
bennini ha nerga nistrieh,
niftakar fl-imghoddi vicin.

Sewwed mill-gdid
l-imkien madwari,
mewwitni lejn fond skur

fejn ix-xemx ma tizritx u
fejn il-kliem jissikket..

fejn...

fejn int u jien
niltaqghu mill-gdid!

04.08 (Santi - Malta)



Thursday, April 10, 2008












Saħħiet Mark..


Irnexxilek...
taħsadni mill-ġdid.

...bħal meta ġejt u rajtek
l-ewwel darba u għidtli li hawn
'qisha darek!'

...jew bħal meta dewwaqtni
elf togħma
ġdida ta' platti
mimlija tradizzjoni.

...bħal meta għidtli li Alla
ħrafa antika.

Irnexxilek...
taħsadni mill-ġdid.


...bħal meta għidtli li
l-ftira jkollha l-majjal ġewwa,
u tkun mielħa
qisha l-baħar.

...jew bħal meta ħadtni Santi
nixtru l-Girgentina
ħa nagħsru u nagħmlu
inbid aħjar minn tas-sena l-oħra,
(inbid li mhux ser nixorbu
qatt flimkien!)

Erġajt ħsadtni
għax ġejna kmieni filgħodu
u ma sibnikx hemm.
Ilħaqt tlaqt itterraq l-aħħar triq,
waħdek...
ħallejtna warajk.

Għallimtna ... tmajtna...
issa għal rasna,
bik f'moħħna
għal dejjem!

Grazzi Mark!

10.04.2008 (Tas-Silg)